Plani i zhvillimit për Ballkanin Perëndimor do të jetë në tryezën e diskutimit
Liderët e vendeve të Ballkanit Perëndimor takohen pasditen e sotme në Bruksel me liderët evropianë, në një Samit të kryesuar nga Presidenti i ri i Këshillit Evropian, Antonio Costa.
Liderët evropianë, së bashku me liderët e Shqipërisë, Maqedonisë së Veriut, Serbisë, Kosovës, Malit të Zi dhe Bosnjës, pritet të shqyrtojnë një sërë çështjesh që lidhen me integrimin gradual të Ballkanit Perëndimor në BE.
Në tryezën e diskutimeve do të jetë plani i zhvillimit për Ballkanin Perëndimor, përafrimi i politikës së përbashkët të jashtme dhe të sigurisë, zbutja e efekteve të luftës së Rusisë kundër Ukrainës, si dhe migrimi dhe krimi i organizuar.
Në darkë, liderët do të kenë mundësinë të shkëmbejnë mendime për situatën gjeopolitike, por edhe për trajtimin e kërcënimeve hibride dhe manipulimit të informacionit që vijnë nga Rusia.
Punimet e Samitit të Ballkanit Perëndimor do të fillojnë në orën 18:45. me orën greke, ndërsa ardhjet e drejtuesve do të nisin në orën 17:30. Në orën 20:30 do të vijojë një konferencë për shtyp. dhe më pas darka e liderëve.
