Kryeqyteti francez është ndër qytetet e para që ka hequr plotësisht përdorimin e naftës deri në vitin 2030 dhe sapo ka hedhur një hap të madh
Nga data 1 tetor 2024, shumë pika karburanti në periferi të kryeqytetit dhe në unazë nuk lejohen më të shesin naftë. Por pse u vendos kjo masë?
Pas kufizimit të shpejtësisë prej 50 km/h në unazën e Parisit, tashmë katër pika qendrore të benzinës (në pjesët më qendrore të qytetit) nuk mund t’u shesin më naftë shoferëve. Nga 1 tetori 2024, kontratat e koncesionit të pompave të karburantit Total Energies në Porte d’Aubervilliers, Porte d’Orléans dhe Quai d’Issy-les-Moulineaux u ndryshuan nga bashkia dhe tani u ndalohet shitja e naftës.
Kjo është pjesë e planit për një atmosferë më të pastër në kryeqytet, por edhe për krijimin e zonave të trafikut me emetim të ulët (LEZ).
Kryetarja e bashkisë, Anne Hidalgo, ka dashur t’i japë fund përdorimit të naftës në kryeqytet që në fillim të mandatit të saj dhe vazhdon të zvogëlojë rolin e makinës, me gjithnjë e më shumë korsi biçikletash dhe rrugë që janë gjithnjë e më të papërshtatshme për automjete. Sipas France 3, TotalEnergies vlerëson se kjo ndërprerje “do të çojë në një transferim të konsiderueshëm të automjeteve në stacionet fqinje, të cilat nuk janë krijuar për të përballuar këtë fluks të ri klientësh”, duke krijuar bllokime të reja trafiku në portat e qytetit dhe kaos në rrugë.
Pavarësisht këtij vendimi, shumë njerëz që jetojnë dhe punojnë në këtë zonë përdorin ende automjete me naftë, pasi makinat hibride dhe elektrike nuk janë gjithmonë të përballueshme për të gjithë.
