Një konflikt me sende të forta mes dy të rinjve ka ndodhur mbrëmjen e sotme në bulevardin Vlorë-Skelë. Si pasojë e këtij sherri ka mbetur i plagosur një person. Sipas informacioneve konflikti mes të rinjve ka nisur me fjalë fillimisht. Më pas sherri ka degraduar në dhunë dhe në përdorimin e sendeve të forta.
I plagosuri është dërguar me urgjencë në spital, për të marrë ndihmën e duhur mjekësore. Ndërkohë, personi tjetër i përfshirë në konflikt është shoqëruar në komisariat nga forcat e policisë për të dhënë shpjegime mbi ngjarjen.
