Baba Vanga, parashikuesja e verbër bullgare, që supozohet se ka shkruar parandjenjat e saj deri në vitin 5079, thuhet se ka parashikuar atë që do të ndodhë në vitin 2025. Dhe nuk duket se na presin gjëra të mira…
“Euronews” ka publikuar një pjesë të këtyre parashikimeve dhe që në nisje thotë se “fillimi i shkatërrimit të botës sonë do të fillojë pikërisht vitin e ardhshëm me një konflikt në Evropë që do të shkatërrojë popullsinë e kontinentit”. Ky do të jetë fillimi i ngjarjeve që përfundimisht do të kulmojnë në dënimin tonë.
Parashikimi i Baba Vanga për vitin 2025 pasqyron atë të legjendarit Nostradamus, i cili gjithashtu parashikoi një luftë në Evropë në 2025-ën.
Për ju që nuk keni dëgjuar kurrë për të, Vangelia Pandeva Gushterova, e njohur gjerësisht si Baba Vanga ose “Nostradamusi i Ballkanit”, ka lindur në vitin 1911 dhe kishte aftësi të supozuara profetike.
E verbër që në fëmijëri, mjeshtrja bullgare duket se ishte në gjendje të shihte në të ardhmen. “Fuqinë” e saj ajo ia atribuonte një tornadoje që e la të verbër. Këto aftësi e sollën fillimisht atë në vëmendjen e publikut në mes të Luftës së Dytë Botërore pasi individë si Cari bullgar Boris III dhe udhëheqësi sovjetik Leonid Brezhnev thuhet se u konsultuan personalisht me të.
Ajo vdiq në vitin 1996 dhe që atëherë është bërë një figurë kulti mes besimtarëve të fallit dhe, siç mund ta imagjinoni edhe mes teoricienëve të konspiracionit. Me sa duket, shumë nga parashikimet e saj janë realizuar shumë kohë pas vdekjes së saj.
Për shembull, Baba Vanga thuhet se ka parashikuar vdekjen e princeshës Diana, fundosjen e nëndetëses ruse Kursk dhe sulmet terroriste të 11 shtatorit. Ajo madje thuhet se parashikoi edhe vdekjen e saj më 11 gusht 1996 në moshën 85-vjeçare.
Sigurisht, jo shumë nga parashikimet që i atribuohen asaj mund të vërtetohen, pasi ato bazohen në rrëfime të dorës së dytë. Skeptikët argumentojnë se vizionet e saj janë shumë të paqarta për t’u verifikuar ose për t’u hedhur poshtë. Edhe pse nuk jeton më, ajo bëri parashikime për çdo vit deri në vitin 5079.
Më poshtë janë parashikimet për vitin 2025, si dhe afati kohor i saj për vdekjen e të gjithë neve:
Viti 2025
Një luftë shkatërruese në Evropë
Kjo ngjarje që do të ndezë vdekjen e njerëzimit do të jetë një konflikt i paspecifikuar në Evropë që do të shkatërrojë popullsinë e kontinentit.
Rritja e ndikimit të Rusisë
Baba Vanga parashikon se Vladimir Putin do të rizgjidhet si udhëheqës i Rusisë, duke forcuar dominimin në vendin e tij duke vazhduar të formësojë peizazhin gjeopolitik.
Fatkeqësitë natyrore
Viti 2025 pritet të jetë dëshmitar i ngjarjeve natyrore katastrofike, duke përfshirë edhe shpërthimin e vullkaneve të fjetura. Përmbytje masive gjithashtu do të bëjnë kërdinë. Baba Vanga përmendi në mënyrë specifike një tërmet përgjatë bregut perëndimor të SHBA. Këto ngjarje do të shkaktojnë humbje jetësh, si dhe zhvendosje masive popullsie.
Zbulime shkencore
Për shkak se nuk mund të jetë gjithçka katastrofike, Baba Vanga parashikon gjithashtu se shkencëtarët do të bëjnë një përparim kur bëhet fjalë për organet e rritura në laborator, të cilat do të revolucionarizojnë transplantet. Ajo parashikoi përparime në trajtimin e kancerit në vitin 2025, ndoshta edhe një kurë.
Parashikimet e së ardhmes
2028: Eksplorimi i Venusit
Njerëzit do të fillojnë të eksplorojnë Venusin si një burim energjie. (Vlen të përmendet se planeti i dytë nga Dielli është jomikpritës dhe asgjë nuk mund të rritet atje.)
2033: Shkrirja e akullnajave
Baba Vanga thuhet se parashikoi që mbulesat e akullit polar do të shkrihen, duke ngritur nivelin e detit në lartësi drastike në mbarë botën.
2043: Evropa nën qeverisjen myslimane
Parashikuesja ka deklaruar se qeverisja evropiane do të mbizotërohet nga sundues myslimanë deri në vitin 2043.
2076: Rikthimi i Komunizmit
Komunizmi do të përhapet në të gjithë botën.
2130: Kontakti i parë me UFO-t
Njerëzit supozohet se do të bëjnë kontaktin e parë me alienët.
2170: Thatësirë globale
Ndryshimet klimatike do të vazhdojnë të shkatërrojnë planetin dhe një thatësirë do të shkatërrojë pjesën më të madhe të botës.
3005: Lufta Marsiane
Toka do të shkojë në luftë me një qytetërim në Mars. Nuk ka informacione të mëtejshme se kush do ta nisë konfliktin, por ne vëmë bast se ndoshta jemi ne dhe jo marsianët. (Ne nuk jemi speciet më miqësore. Le të jemi të sinqertë).
3797: Fundi i botës – Pjesa I
Toka nuk do të jetë më në gjendje të mbështesë jetën, që do të thotë se njerëzit që i kanë mbijetuar luftës marsiane do të duhet të largohen nga Toka sepse ajo është bërë e pabanueshme.
5079: Fundi i botës – Pjesa II (Për të vërtetë këtë herë)
Fundi i gjithçkaje.
Finalja e madhe. Bota merr fund.
Siç u përmend më parë, jo shumë nga parashikimet që i atribuohen asaj mund të vërtetohen, dhe Vanga ishte larg nga e pagabueshme. Pra, merrni të gjitha këto me një dozë mosbesimi.
Baba Vanga kishte parashikuar se një termocentral i madh bërthamor do të shpërthente vitin e kaluar dhe se Toka do të goditej nga një stuhi diellore shkatërruese… Ne ia dolëm t’i shmangim këto katastrofa.
