Alex Soros po përballet sërish me reagime në rrjetet sociale, këtë herë pasi ka uruar zëvendëspresidenten Kamala Harris për ditëlindjen.
Në një postim në Instagram dhe X, Soros, i cili vetëm vitin e kaluar mori kontrollin e perandorisë filantropike shumë miliardë dollarëshe të babait të tij George, ndau një fotografi të tij së bashku me kandidaten e Partisë Demokratike për president.
“Gëzuar ditëlindjen heroinës amerikane! Zonja ZP, @KamalaHarris,” shkroi Soros.
Postimi u pasua shpejt me kritika nga konservatorët, të cilët jo vetëm që e përçmojnë Harrisin, por kanë akuzuar prej kohësh Sorosin dhe babanë e tij si mjeshtër marionetash ekonomike dhe politike.
“Kjo i thotë të gjitha,” tha përdoruesi popullor i ekstremit të djathtë End Wokeness.
“Imagjino të mendosh se është ide e mirë të bësh një foto me Sorosin e të kandidosh për presidente”, shtoi një tjetër.
Të tjerë vunë në shënjestër trashëgiminë hebraike të Sorosit, duke sugjeruar se ai dhe Harrisi kishin përbuzje për amerikanët e krishterë.
“Kjo foto flet shumë! Nuk është çudi pse Kamala i urren të krishterët,” shkroi një përdorues.
“Jeni që të dy Të Ligj,” shtoi një tjetër. “Jezusi është mbret!”
Postimi në X është parë tashmë më shumë se 1.7 milionë herë. Por nuk janë vetëm konservatorët që e kanë problemin. Përdoruesit me prirje majtas në X po e përçmojnë në mënyrë të ngjashme foton duke i dhënë të djathtës ekstreme municione të panevojshme.
“Duke iu lutur Alex Sorosit të ndalojë së postuari foto me kandidatët aktualë, nuk është faji im që Amerika beson shumë teori konspirative antisemite, por mund t’ju them se këto foto nuk po ndihmojnë, nuk është e drejtë, por ne po përpiqemi që ajo të fitojë, apo jo?” u përgjigj një përdorues.
Disa liberalë i përshkruan veprimet e Sorosit si të papërgjegjshme duke pasur parasysh perceptimin publik për familjen e tij mes amerikanëve me prirje të djathtë.
“Vaniteti personal i Alex Sorosit do të thotë më shumë për të sesa të ndihmojë këtë ‘heroinë amerikane’ të mposhtë Donald Trump-in. E trishtë ta shohësh”, tha një përdorues tjetër i majtë.
Megjithatë, shumica dërrmuese e vërejtjeve për postimin erdhën nga e djathta.
“Amerikanët nuk e pëlqejnë Harrisin dhe ti po e bën më të lehtë,” tha një përdorues.
“[George] Soros është 94 vjeç dhe do të vdesë së shpejti (jo mjaftueshëm shpejt),” vazhdoi një tjetër. “Por ai ka arritur të përhapë gjenet e tij satanike. Tani kjo poshtërsirë [Alex] do të vazhdojë trashëgiminë e tij të destabilizimit të kombeve dhe përhapjes së degjenerimit të krahut të majtë.”
Sorosu u përball me një reagim të ngjashëm nga të dyja anët e poleve në fund të shtatorit kur postoi foto të tij duke u takuar me guvernatorin e Minesotës, Tim Walz.
Kjo problematikë ngrihet, në mënyrë ironike, pasi miliarderi Elon Musk po zotohet të japë 1 milion dollarë në ditë deri në zgjedhje për votuesit e regjistruar në shtatë shtete kyçe. Në mënyrë që të kualifikohen për të fituar paratë, votuesit duhet të nënshkruajnë një peticion nga Musk duke detajuar zotimin e PAC-ut së tij për të mbështetur Amendamentin e Parë dhe të Dytë.
Megjithëse disa ekspertë ligjorë thonë se lëvizja e Musk-ut është e paligjshme, konservatorët, të cilët rregullisht akuzojnë të majtën për përfshirje në “ndërhyrje në zgjedhje”, po e vlerësojnë përpjekjen. / Dailydot
