Fansat janë të bindur se Justin Bieber i ka dërguar Selena Gomez një “mesazh sekret” pas fejesës së saj me Benny Blanco.
Të hënën, vetëm disa ditë pasi ish-e dashura e tij për tetë vite ndau lajmin e fejesës, këngëtari i hitit “Baby” postoi në Instagram një selfie me gruan e tij, Hailey Bieber, duke e puthur në faqen e tij gjatë një udhëtimi në Kosta Rika.
Megjithatë, nuk ishte fotoja ajo që intrigoi fansat – ishte kënga që ai zgjodhi të bashkëngjiste me postimin. Bieber përdori këngën emocionuese të Lizzy McAlpine “All My Ghosts,” që flet për kujtime të ëmbla me një ish që këngëtarja nuk mund t’i harrojë.
Disa vargje të veçanta të këngës tërhoqën vëmendjen e fansave:
“E shoh qartë tani, dasma e vitit / E shoh qartë tani, ai ngrihet dhe fshin lotët e tij,”
“E shoh qartë tani, kur të gjithë fantazmat e mia zhduken / E shoh kristal qartë.”
Të tjera vargje përfshijnë: “Oh, të gjitha fantazmat e mia janë me mua / E di që edhe ti i ndjen ato.”
Fansat përdorën tekstet për të forcuar teorinë se Bieber po përpiqej t’i dërgonte një mesazh Gomez-it. Një fans komentoi direkt nën postim: “Dëgjoni mirë atë këngë dhe do ta kuptoni që Justin po përpiqet t’i japë Sel një mesazh.”
Një tjetër shkroi me humor: “Sigurisht që do të postonte diçka tani.”
Një përdorues në Twitter postoi: “Ju lutem, pse Justin Bieber postoi një foto me gruan e tij me këngën ‘All My Ghosts’ nga Lizzy McAlpine disa ditë pasi Selena u fejua? Kjo është e pabesueshme.”
Një tjetër shtoi: “Nuk e di nëse Justin po bën shaka apo është serioz në këtë pikë.”
Kjo nuk është hera e parë që fansat lidhin një këngë me marrëdhënien e Justin dhe Gomez pas ndarjes së tyre. Pas publikimit të këngës së tij “Ghost” në vitin 2021 — që eksploron temën e humbjes së dikujt që dashuron — fansat ishin të bindur se kënga ishte për themeluesen e Rare Beauty.
Në një intervistë me Dolby, Bieber shpjegoi kuptimin pas këngës:
“Objektivi im me këtë këngë ishte t’u jap njerëzve shpresë dhe t’u them që trauma dhe dhimbja që ndieni nuk do të zgjasin përgjithmonë. Duhet kohë për t’u shëruar. Do të vijë një moment kur ajo dhimbje nuk do të jetë më aq e madhe. Dijeni që ai ndjenjë do të largohet.”
Gomez njoftoi fejesën e saj me Blanco të mërkurën e kaluar duke ndarë foto të unazës së saj të mrekullueshme me diamant në formë marquise.
“Përgjithmonë fillon tani,” shkroi ajo në përshkrimin e postimit.
