“A do të kem minuta nuk di ta them, e di stafi teknik. Nese do të kem, do të jap maksimumin si në stërvitje, si në ndeshje”. Feta Fetai, mesfushori i afruar për herë të dytë në ekipin kombëtar nga trajneri Sylvinho foli për mediat në konferencë, duke iu përgjigjur pyetjeve të gazetarëve.
Fetai u shpreh i gatshëm për të dhënë maksimumin ndërsa nënvizoi se ekipi e ka pritur shumë mirë së bashku me stafin teknik. “Ëndrra e çdo fëmije është të luajë me Kombëtaren. Çdokush ka ëndërr të luajë në Europian ose botëror me Kombëtaren”.
Fetai vjen me një krahasim të rëndë me vete, sepse shumë e konsiderojnë një Modric shqiptar. Natryrisht djaloshi mundohet të jetë me këmbë në tokë, sepse krahasimin duhet ta tregojë në fushë: “Modric e preferoj shumë si lojtar.
Sa i përket lojtarëve shqiptarë, ka shumë që i preferoj si Asllani, Ramadani – tha Fetai, që e mbyll me një batutë -. Ndaj Çekisë, do të doja të shënoja njësoj si të asistoja. Rëndësi ka fitorja, nuk ka rëndësi se kush shënon apo asiston”.
