I tejkalon vlerësimet e sotme në saktësi – Mund të mbulojë një periudhë prej 15 ditësh
Një inteligjencë artificiale e zhvilluar nga Google është e aftë të bëjë parashikime 15-ditore të motit me saktësi të pashoqe, duke shpëtuar jetë ndërsa katastrofat klimatike shumëfishohen, njoftoi dje, e mërkurë, 4 dhjetor kompania gjigante amerikane.
Modeli GenCast i krijuar nga DeepMind, laboratori i kërkimit të inteligjencës artificiale të Google me bazë në Londër, “tregoi aftësi më të mira parashikuese” sesa modeli aktual i referencës, sipas vetë kompanisë.
Qendra Evropiane për Parashikimet Meteorologjike me Distanca të Mesme aktualisht prodhon parashikime për 35 vende dhe konsiderohet një referencë botërore për sa i përket saktësisë meteorologjike.
Por tani GenCast, siguron Google, tejkalon saktësinë e parashikimeve të Qendrës në më shumë se 97% të 1,320 fatkeqësive klimatike të regjistruara në vitin 2019, në të cilat u testuan të dy modelet.
Modeli i Google, i zhvilluar gjatë katër dekadave nga viti 1979 deri në vitin 2018 bazuar në të dhëna të caktuara – temperatura, shpejtësia e erës dhe presioni atmosferik – mund të prodhojë një parashikim 15-ditor në vetëm tetë minuta, krahasuar me një kohë orësh, të vlefshme sot.
“GenCast ofron parashikime më të mira të motit të përditshëm dhe ngjarjeve ekstreme … deri në 15 ditë përpara,” tha Google në një deklaratë.
Sipas Google, GenCast “tejkaloi sistematikisht” modelin aktual të standardit për parashikimin e nxehtësisë ekstreme, të ftohtit ekstrem dhe shpejtësisë së lartë të erës.
“Parashikimet më të sakta të rreziqeve të kushteve ekstreme të motit mund të ndihmojnë kështu autoritetet të mbrojnë më shumë jetë, të shmangin dëmtimet e konsiderueshme të pronës dhe të kursejnë para”, nënvizon Google.
