Miliona amerikanë po shkojnë në qendrat e votimit këtë të martë për të zgjedhur Presidentin që do të drejtojë vendin për 4 vitet e ardhshme. Votuesit amerikanë do të vendosin nëse Nënpresidentja Kamala Harris do të bëhet presidentja e parë grua e Shteteve të Bashkuara, ose do të rikthejnë në Shtëpinë e Bardhë ish Presidentin Donald Trump, i cili humbi zgjedhjet në vitin 2020.
Anketat e opinionit tregojnë se demokratja Harris dhe republikani Trump ndodhen përballë një prej garave më të ngushta presidenciale në dekada. Fituesi i zgjedhjeve e fillon mandatin 4-vjeçar në janar të vitit 2025. Më poshtë janë disa nga rrjetet televizive amerikane që po transmetojnë gjithçka që ndodh në kohë reale.
