Mediat italiane raportojnë mbrëmjen e kësaj të enjteje se ka përfunduar puna për qendrat e emigrantëve në Lezhë që do të jenë nën juridiksionin italian. Sipas të njëjtave burime, vendi i parë i pritjes në portin e Shëngjinit ishte tashmë gati prej kohësh ndërsa ai në Gjadër është dorëzuar ditën e mërkurë për testim.
Janë gati një qendër për ndalimin e azilkërkuesve (880 vende), një CPR (144 vende) dhe një burg (20 vende). Pasi të kenë përfunduar testet, brenda një jave, strukturat do të hapen dhe do të mund të mirëpresin personat e parë që do t’i nënshtrohen procedurave të përshpejtuara kufitare.
“La7” shkruan se zona e Gjadrit, e vënë në dispozicion nga Tirana, ishte një bazë shumë e degraduar e ish-Forcave Ajrore Shqiptare. Inxhinierët italianë u angazhuan në punimet restauruese dhe përgatitore që zgjatën muaj të tërë, me aktivizimin e rrjeteve të ujësjellës kanalizimeve dhe tokën që duhej të konsolidohej. Ka mure rrethuese, kamera përgjatë perimetrit, një pajisje sigurie brenda, ku zbatohet juridiksioni italian dhe forcat e policisë italiane do të garantojnë rendin.
Do të ketë gjithashtu staf të UNHCR-së për të monitoruar respektimin e të drejtave të refugjatëve. Kërkesat për azil do të shqyrtohen brenda 4 javësh. Janë planifikuar lidhje me videokonferencë me gjykatën e Romës për seancat e vlerësimit të paraburgimit.
“Mbizotëron optimizmi brenda qeverisë italiane në lidhje me një eksperiment aktualisht unik, përpunimin e kërkesave për azil nën juridiksionin italian, por në një vend të tretë” – shkruan La7.
Ministri i Brendshëm i Italisë, Matteo Piantedosi, foli për këtë javën e kaluar para të tij të G7: “Në Evropë, 15 vende kanë kërkuar tashmë nga Komisioni që të shikojë me kujdes modelin italian, i cili është i ndryshëm nga ai anglez në Ruanda. Tani ai do të vlerësohet seriozisht nga Komisioni i ri Evropian”.
“Il Giornale” shkruan se të gjithë sytë e Evropës janë përqendruar te projekti italian, i konsideruar nga shumë njerëz si një model i vlefshëm për t’u kopjuar nga i gjithë Bashkimi Evropian në përpjekje për të zgjidhur problemin e migrantëve të parregullt, për të cilin tashmë ankohen të gjitha vendet.
“Nuk ka ende një propozim konkret, por mund të shikohet për shembull marrëveshja mes Shqipërisë dhe Italisë. Ajo që na duhet tani është të kemi më shumë detaje, zgjedhja e vendit është një aspekt, por ka edhe të tjera”, – tha ministri suedez për Migracionin, Johan Forssell, me të mbërritur në takimin e Këshillit të Punëve të Brendshme në Luksemburg që u mblodh posaçërisht për të diskutuar propozimin e “qendrave të kthimit”, për transferimin e emigrantëve jashtë BE-së.
“Është koha për t’i trajtuar këto diskutime rreth zgjidhjeve inovative në një mënyrë më konkrete, për të kuptuar nëse ato janë të mundshme për t’u aplikuar apo jo” – shtoi Forssell. Të njëjtin qëndrim mbajti edhe Një qëndrim i ndarë edhe nga ministri i Brendshëm i Francës, Bruno Retailleau, i cili gjithashtu “nuk përjashton asnjë zgjidhje apriori” për të frenuar flukset migratore.
